Kryeprokurori Lumezi takon drejtorin e IGJK-së, bisedojnë për bashkëpunim

Kryeprokurori i Shtetit, Aleksandër Lumezi, ka pritur në takim drejtorin e Institutit Gjyqësor të Kosovës, Lavdim Krasniqi. Lumezi dhe Krasniqi, kanë biseduar për vazhdimin e bashkëpunimit në mes të Prokurorit të Shtetit dhe Institutit Gjyqësor të Kosovës.

Kryeprokurori Lumezi, ka falënderuar Krasniqin për mbështetjen që ka dhënë deri më tani Instituti Gjyqësor i Kosovës, i cili drejtohet nga ai, për prokurorët e shtetit, si dhe ka kërkuar që ky bashkëpunim të vazhdoj edhe më tutje.

Po ashtu, gjatë këtij takimi është biseduar për procesin e trajnimeve të prokurorëve të ri dhe prokurorëve në përgjithësi.

Ndërkaq, Krasniqi ka premtuar se Instituti Gjyqësor i Kosovës, do të vazhdoj mbështetjen për sistemin prokurorial, me qëllim që ky sistem të jetë sa më efikas në punën që e bën.