Kryetari i Bashkisë Lezhë ‘zhvendoset’ në burg, urdhër arresti për 23 persona

Ka qenë Prokuroria e Krimeve të Rënda, e cila ka hetuar rastin, duke e akuzuar kreun e Bashkisë për tjetërsim pronash.

Siç bëhet me dije, në pranga janë vënë edhe nënkryetari i bashkisë dhe 21 për zyrtarë të tjerë të bashkisë dhe hipotekave, ka urdher arresti me të njëjtën akuzë ku 8 janë arrestuar.

Edhe në Lezhë ka ndodhur e njëjta skema abuzimi me pronat si në Kavajë, duke falsifikuar dokumentet dhe kthyer tokat ranishte në pronar dhe mbi to ndërtoheshin biznese të ndryshme.

Ndër të arrestuarit jane: Fran Frrokaj-Kryetari i Bashkisë së Lezhës; Enver Hafizi-Nenkryrtar i Bashkisë së Lezhës; Gjelina Bacaj-Drejtore e Hipotekës; Eduart Lekaj-Jurist i Hipotekës; Armando Dakaj-Jurist i Hipotekës, etj.

Pak kohë më parë, ministri i Brendshëm Fatmir Xhafaj, bëri me dije se në Lezhë do të kishte arrestime, për abuzimet që ishin bërë me pronat.

“Dua t’ju them që jam i shqetësuar, ua thashë edhe njerëzve të Policisë për disa abuzime që janë bërë me tokat këtu, me pronën publike, me vijën bregdetare në zonën e Lezhës posaçërisht. Besoj që hetimet që janë duke u zhvilluar, janë në proces, besoj që do të jenë eficiente, do të jenë të suksesshme.

Janë hetime që po bëhen bashkë me Prokurorinë këtu dhe me Prokurorinë e Krimeve të Rënda. Dhe unë shpresoj dhe besoj fort që shkaktarët e kësaj batërdie do të vendosen përpara përgjegjësisë penale”, tha në atë kohë Xhafaj.

Frrokaj është zgjedhur kryetar i Bashkisë në Lezhë në vitin 2015, nën siglën e PD-së.