Macron në Pekin: Franca dhe Kina nënshkruajnë marrëveshje 15-miliardëshe
Xi thotë që për qarqet industriale dhe tregtare në Francë e Europë, zhvillimi i Kinës është një shans shumë i mirë. Dera e Kinës do të hapet përgjithmonë për botën e jashtme dhe shpreson që Franca dhe Europa mund të mbajnë derën e hapur në mënyrë të barabartë për investitorët kinezë.
Xi shtoi gjithashtu që Kina është gati që bashkë me Francë dhe Europë, të mbështetë me vendosmëri sistemin e tregtisë shumëpalëshe, të kundërshtojë proteksionizmin dhe unilaterizmin dhe të formojë një mjedis të lirë e të hapur tregtar, për të futur gjallëri në rritjen ekonomike botërore.
Këto dy vende u morën vesh edhe për zgjerimin e një protokolli për eksportimin e shpezëve, ku tash e tutje do të përfshihen edhe shotat, ndërsa do të punohet edhe për marrëveshjen e eksportimit të materialit gjenetik të derrave nga Franca në Kinë.
Franca dhe Kina nënshkruan marrëveshje edhe për koston dhe vendin e ndërtimit të një qendre për ripërpunimin e lëndës bërthamore.
Për më tepër, mediet shtetërore kineze njoftuan se Kina do t’i mbështesë planet e kompanive të veta për të blerë aeroplanë të tipit “Airbus”, të cilët prodhohen në Francë.
U tha gjithashtu se të dyja shtetet synojnë ta shtojnë bashkëpunimin në sektorin e helikopterëve, motorëve të aeroplanëve dhe trajnimit të pilotëve, shkruan “Reuters”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.