Makina shpërthen në ecje, plagosen rëndë dy të rinj. Dyshime për eksploziv

Një automjet ka shpërthyer në ecje e sipër në hyrje të qytetit të Vlorës, mëngjesin e kësaj të shtunë.

Burime policore lokale bëjnë të ditur se nga forca e shpërthimit dy persona, që udhëtonin në automjet, kanë mbetur të plagosur.

Sipas burimeve, nga forca e shpërthimit, vetura tip “Ford Focus” dhe me targë “DR 8135 E” ka dalë nga korsia dhe ka përfunduar në një kanal anës rrugës.

Ndërkohë, dy të plagosurit, një djalë dhe një vajzë, janë dërguar në spitalin e Vlorës në gjendje të rëndë, shtojnë më tej burimet. Ata janë identifikuar si shtetasit Endri Karaboja dhe Eriselda Likaj, përkatësisht 33 dhe 19 vjeç.