Marrëveshja me Fuqitë e Mëdha shtyn 15 vjet mbërritjen e armëve bërthamore në Iran

Marrëveshja e arritur në muajin korrik në Vjenë midis Iranit dhe Fuqive të Mëdha mundëson shtyrjen deri në 15 vite të blerjes nga ana e Iranit të armëve bërthamore, deklaroi për median John Chipman, drejtori i IISS-së.

“Në përgjithësi viti 2015 ka qënë mjaft i mirë përsa i përket mospërhapjes së armëve të shkatërrimit në masë, pasi jemi pjesë e nënshkrimit të marrëveshjes 5+1 për çështjen iraniane”, vlerësoi John Chipman në fillim të prezantimit të raportit vjetor për ekuilibrin e forcave në botë të Institutit të Hulumtimeve Gjeostrategjike (IISS).

“Ka shumë qëndrime skeptike nëse është apo jo një marrëveshje e frytshme, por ka një konsensus në lidhje me faktin e shtyrjes për një periudhë 10-vjeçare, deri në 15 vite me shumë gjasa, të blerjes nga ana e Iranit të armëve bërthamore, një lajm shumë i mirë në fushën e mospërhapjes së tyre për vitet 2015 dhe 2016”, tha ai.

Marrëveshja e arritur në Vjenë në korrik midis Iranit dhe Grupit 5+1 të Fuqive të Mëdha (SHBA, Britani e Madhe, Francë, Rusi, Kinë dhe Gjermani) kufizon programin bërthamor iranian në plan bërthamor civil, në këmbim të heqjes në mënyrë progresive dhe të patjetërsueshme të sanksioneve ekonomike ndërkombëtare të vëna ndaj Iranit prej vitit 2006.