Marrëveshje për ngrirjen e prodhimit të naftës mes Moskës dhe Riadit

Rusia, Arabia Saudite, Katari dhe Venezuela janë gati të ngrijnë prodhimin e naftës në nivelet e muajit janar nëse prodhuesit e tjerë do të bëjnë të njëjtën gjë, deklaroi ministri rus i Energjisë, Alexander Novak, për agjencinë e lajmeve “Interfax”.

Kjo marrëveshje erdhi pas mbledhjes së organizuar sot në Doha.

Katari dhe Venezuala do të jenë gjithashtu pjesë e kësaj marrëvehsje, që synon të ndalojë një rënie të mëtejshme të çmimit të naftës.

Çmimi i naftës ka rënë nën 30 dollarë për fuçi mujat e fundit, niveli më i ulët prej shumë vitesh.

Kjo rënie e çmimit ka dëmtuar shumë buxhetet e shumë vendeve prodhuese të naftës, që bazohen shumë në të ardhurat e naftës për shpenzimet kombëtare.