Naim Malaj jep dorëheqjen nga posti i Ambasadorit të Kosovës në Zvicër

Ambasadori i Kosovës në Zvicër,  Naim Malaj ka dhënë dorëheqjen nga ky post, në të cilin shërbente prej 6 vitesh.

Ndonëse ende nuk dihet arsyeja e dorëheqjes së tij si diplomat i Kosovës në Zvicër, agjencia e lajmeve “Presheva Jonë” bën të ditur se Ambasadori Malaj i ka dërguar një letër – notë zyrtare, ministrit të Punëve të Jashtme, njëherësh Zëvendëskryeministër i Kosovës, Hashim Thaçit, duke e njoftuar për vendimin e tij.

“Pas 6 vitesh të kaluara në këtë pozitë të rëndësishme kam vendosur t`i përkushtohem familjes dhe t`i jap një orientim të ri karrierës sime profesionale…”, thuhet ne letrën e Ambasadorit Malaj, sipas “Presheva Jonë”.