Ndeshja Serbi-Shqipëri, tifozët nisin festimet në Elbasan

Ne Elbasan grupet e para të tifozëve nga Kosova dhe Maqedonia kane nisur festimet. Kuq e Zi të Shkupit, Plisat e Prishtinës, Ultras e të tjerë nga Tetova, Prizreni, ne mbremje performuan në qendër të këtij qyteti duke brohoritur për kombëtaren e duke hedhur fishekzjarre. Kulmi i mbështetësve të kombëtares pritet të manifestohet gjatë se enjtes pasi interesimi per ndeshjen është i pazakontë.  Moti i keq nuk i ka penguar aspak tifozët që të arrijnë në këtë qytet. Pjesa dërrmuese e tyre nuk kanë bileta por do ta ndjekin ndeshjen në qendër të qytetit ku edhe do të festojnë.