Në Drenicë rivarrosen mbetjet mortore të katër personave

Sot në varrezat e fshatit Zabel i Ulët të Komuna e Drenasit, do të rivarrosen mbetjet mortore të katër personave të zhdukur gjatë luftës së fundit në Kosovë, të identifikuara në Rudnicë të Rashkës së Serbisë.

Sipas një njoftimi të Qeverisë së Kosovës, pas procesit të riatdhesimit, nga Serbia për në Republikën e Kosovës, të ndodhur javë më parë dhe ndjekjes së të gjitha procedurave ligjore në respektim të të drejtave të familjarëve të personave të zhdukur, me kërkesë të familjeve të personave të identifikuar, ceremonia e rivarrimit do të organizohet sot, duke filluar nga ora 16:00.

Ndryshe, ata janë masakruar nga policia, ushtria dhe paramilitaret serb në luftën e fundit në Kosovë.