Pentagoni do të lirojë 17 të burgosur të Guantanamos

Pentagoni planifikon të transferojë gjatë javëve në vazhdim 17 të burgosur të Guantanamos, lëvizje kjo që do ta tkurrte në 90 numrin e të ndaluarve në burgun amerikan në Kubë.

Sekretari i mbrojtjes, Ashton Carter e ka informuar tashmë Kongresin për këtë vendim. Ky raportohet të jetë transferimi më i madh i të burgosurve brenda një muaji të vetëm që prej 2007-ës.

Presidenti Barak Obama dëshiron ta mbyllë plotësisht burgun e shumëdiskutuar, që u ngrit gjatë luftës kundër terrorit në vitin 2002.