Kryetari i Partisë Demokratike, Lulzim Basha reagoi pas takimit që Kryeministri Edi Rama zhvilloi sot me kryetarët e bashkive.
Basha foli edhe për shkarkimin e kryebashkiakut të Lushnjës, Fatos Tushe nga qeveria, pas arrestimit nga SPAK pak ditë më parë.
Kreu i PD-së u shpreh se Rama mund të lajë duart me një kryebashkiak të korruptuar, por shqiptarët e dinë mirë se peshku qelbet nga koka.
“Mund të lash duart me një kryebashkiak të korruptuar apo të bësh ‘koka turku’ bedelët e tu në atë sallë, por shqiptarët e dinë mirë se peshku qelbet nga koka!”, theksoi Basha në një postim në Facebook.
Kryeministri Rama tha sot se “kryetari i bashkisë Lushnjë do të shkarkohet nga detyra dhe do të përjashtohet nga PS, masa këto që do të rishikohen vetëm nëse në fund të procesit del i pafajshëm”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.