Pochettino shpall listën e SHBA-ve për Kupën e Botës, i beson “problematikut” Reyna

Trajneri i SHBA-ve, Mauricio Pochettino, ka publikuar listën me 26 lojtarët e grumbulluar për Kupën e Botës, që zhvillohet pikërisht në këtë vend, Kanada dhe Meksikë. Nuk ka pasur surpriza nga trajneri argjentinas.

Në listë janë përfshirë emrat e njohur, si Christian Pulisic (Milan), Weston McKennie (Juventus) dhe Timothy Weah (Marseille). Trajneri Pochettino i ka dhënë besim Giovanni Reyna-s (Borussia Mönchengladbach), 23-vjeçarit që rrezikoi të përjashtohej nga grumbullimi 4 vjet më parë, në Katar, për shkak të një zënke në stërvitje me ish-trajnerin Gregg Berhalter.

Amerikanët do të luajnë dy miqësore para Botërorit, kundër Senegalit në Charlotte më 31 maj dhe kundër Gjermanisë në Chicago më 6 qershor.

Organizatorët e Kupës së Botës bëjnë pjesë në Grupin D dhe do të ndeshen me Paraguajin më 12 qershor në Los Angeles, me Australinë më 19 qershor në Seattle dhe me Turqinë më 25 qershor po në Los Angeles.

Lista e të grumbulluarve

Portierë: Matt Freese (New York City), Matt Turner (New England), Chris Brady (Chicago)

Mbrojtës: Chris Richards (Crystal Palace), Tim Ream (Charlotte), Mark McKenzie (Toulouse), Auston Trusty (Celtic Glasgow), Miles Robinson (Cincinnati), Antonee Robinson (Fulham), Sergino Dest (PSV Eindhoven), Alex Freeman (Villarreal, Joe Scally (Borussia Mönchengladbach), Max Arfsten (Columbus)

Mesfushorë: Tyler Adams (Bournemouth), Weston McKennie (Juventus Turin), Cristian Roldan (Seattle), Sebastian Berhalter (Vancouver), Christian Pulisic (Milan), Timothy Weah (Marsiglia), Malik Tillman (Leverkusen), Giovanni Reyna (Borussia Mönchengladbach), Brenden Aaronson (Leeds), Alejandro Zendejas (Club America)

Sulmues: Folarin Balogun (Monaco), Ricardo Pepi (PSV Eindhoven), Haji Wright (Coventry)