Policia e Tiranës arreston 12 persona për vepra të ndryshme penale

Në kuadër të një operacioni të jerë, Policia e Tiranës ka arrestuar 12 persona të shpallur në kërkim. Sipas burimeve zyrtare, ka nisur zbatimi i planit të masave investiguese lidhur me identifikimin, lokalizimin dhe kapjen e personave në kërkim në kryeqytet.

Këta shtetas janë shpallur në kërkim për vepra të ndryshme penale, si kanosje, armëmbajtje pa leje, prishje të qetësisë publike, vjedhje, etj.

Më konkretisht, Fejzulla Gjoshi, 52 vjeç është dënuar me 2 muaj burg nga Gjykata e Tiranës në akuzën e dhunës në familje. Çlirim Xhemollari ishte shpallur në kërkim për ndërtim pa leje.

Ilir Vata, Fatjon Baraku dhe Armand Vokshi kërkoheshin në akuzën e vjedhjes, ndërsa Alfred Rrapo akuzohet për veprën penale të shfrytëzimit të prostitucionit.

Dy vëllezërit, Eduard Ndoci, 27 vjeç dhe Alfred Ndoci 21 vjeç, ishin shpallur në kërkim për kanosje, prishje të qetësisë publike dhe armëmbajtje pa leje. Një tjetër person i kapur është edhe Besnik Coka, 33 vjeç, i cili është dënuar me 30 ditë burg për drejtim automjeti në mënyrë të parregullt.

Pjesë e këtij operacioni ka qenë dhe arrestimi i djemve të Rrapush Xhaferrit, Pëllumb dhe Përparim Xhaferri, si dhe ish-drejtori i Tatimeve të Tiranës, Ismail Muça.