Probleme me aeroplanin, Nikoliçi anulon vizitën në Vatikan!

Aeroplani i cili po barte presidentin e Serbisë, Tomislav Nikoliç, të cilin po e dërgonte drejt Vatikanit është kthyer në Beograd, për shkak të problemeve me njërin motor. Si pasojë, vizita në Selinë e Shenjt është anuluar.

Siç thonë mediat në Serbi, aeroplani, pas disa minutave rrugëtim kishte pasur problem dhe ishte detyruar në aeroportin e Beogradit, Nikola Tesla, transmeton Telegrafi.

“Problemi u shfaq menjëherë pas fillimit të fluturimit dhe pasi që nuk ishim larg Beogradit, u vendosë që aeroplani të kthehet në aeroport”, citohet të kenë thënë burime të afërta me presidentin për mediat serbe.