Prokuroria e Përgjithshme nis hetimet për prokurorin, Arjan Ndoja

Në një njoftim për mediat Prokuroria e Përgjithshme ka informuar se ka nisur hetim ndaj prokurorit, Arjan Ndoja. Hetimi vjen edhe pas thirrjes së Këshillit të Lartë të Prokurorisë, i cili ka kërkuar “hetim për thyerje të masës disiplinore nga ana e prokurorit Ndoja”.

“Prokurori i Përgjithshëm znj. Arta Marku prej ditës së djeshme dt 05.11.2019 ka filluar verifikimin e fakteve të bëra publike në rastin e prokurorit Arjan Ndoja. Verifikimet konsistojnë në mbledhjen e të dhënave për shkeljen e rregullave të papajtueshmërisë me funksionin e magjistratit, parashikuar në nenin 103 shkronja“a” të ligjit 96/2016 “Për statusin e gjyqtarëve dhe prokurorëve në Republikën e Shqipërisë”, thuhet në njftimin e Prokurorisë së Përgjithshme. Të premten e kaluar, në Shkozet, një breshëri plumbash u derdh mbi makinën me të cilën udhëtonte prokurori i Durrësit, Arjan Ndoja dhe Landi Muharremi, i njohur si i forti “i forti i Sukthit”.