Protesta e opozitës, Ambasada e SHBA thirrje shtetasve të saj: Shmangni institucionet

Ambasada e Shteteve të Bashkuara të Amerikës në Tiranë u ka bërë thirrje shtetasve të saj që të evitojnë disa nga rrugët kryesore në kryeqytet gjatë protestës së opozitës, e cila do të zhvillohet pasditen e së shtunës.

“Një demonstrim i madh pritet të zhvillohet pranë Zyrës së Kryeministrit më 8 qershor 2019, duke filluar rreth orës 7:00 të pasdites.

Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur.

Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat.

Personeli i Ambasadës së SHBA-së dhe anëtarët e familjeve janë drejtuar për të shmangur të gjitha pikat e grumbullimit dhe vendet ku demonstratat janë të pashmangshme ose në vazhdimësi. Ndërtesa e Parlamentit (Tiranë), Zyra e Kryeministrit (Tiranë), ndërtesa të tjera qeveritare (Tiranë)”, shkruan Ambasada.

Të shtunën, më 8 qershor, disa nga partitë opozitare do të mblidhet në protestën e 8 kombëtare, qëllimi i së cilës është rrëzimi i qeverisë Rama dhe krijimi i një qeverie tranzitore.