Pushimet jashtë Shqipërisë: Në katër vite shqiptarët udhëtuan 24 milionë herë
Teksa në periudhën 2014 deri në 2018, Shqipërinë e kanë vizituar 21 milionë turistë, sipas të dhënave të Institutit të Statistikave, po në këtë hark kohor kanë dalë nga Shqipëria 24 milionë shtetas shqiptarë. Ata qëndrojnë për të pushuar jashtë mesatarisht 7 net si dhe shpenzojnë në ditë rreth 47 euro. Destinacioni i preferuar i shqiptarëve është Greqia dhe Italia.
Udhëtimet e shqiptarëve kulmojnë në muajin gusht, duke nxjerrë jashtë vendit gjatë 2018-ës rreth 182 milionë lekë. Ndërsa shtetasit e huaj gjeneruan në Shqipëri rreth 45 miliardë lekë.
“Zakonisht pushoj jashtë. Shkoj në Greqi. Në Turqi, është vend më I përshtatshëm si nga ana e klimës dhe e shërbimeve që ofron. Të dy fëmijët në Firenze dhe shkoj atje herë pas here në verë, bashkë me ta shkojmë e me pushime. Na kanë cuar edhe në Spanjë, Portugali. Zakonisht jashtë I bëj pushimet në Greqi, Kalkidiki atje shkoj. Jashtë ka më shumë cilësi shërbimi dhe infrastrukturë, kjo varet dhe nga fluksi që kanë por sigurisht kanë standard më të lartë se ne. Po në Azi, Tajlandë andej pushoj. Cmimet janë lirë atje, por është udhëtimi që kushton. Megjithatë edhe këtej edhe jashtë ja vlen të pushosh”, shprehen disa qytetarë.
Megjithatë, shqiptarët shfrytëzojnë ditët e pushimit për të udhëtuar edhe brenda vendit, ku në destinacionet e preferuara kryeson Vlora, me 13% dhe më pas vjen Durrësi dhe Korça me 11%. Turizmi në këtë mënyrë, luan rol kyç në ekonomi.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.