Rama: Emrat për kryesinë e re të PS? Ka kohë deri të premten, ditët në vijim do vlerësohen ministrat

“I vetmi lajm për të ardhmen vjen nga PS. Të gjitha të tjerat janë lajme të vjetra. Ne vazhdojmë punën dhe diskutojmë për gjendjen në çdo komunitet. Jemi në procesin e një ndërveprimi të ri me anëtarësinë që ka filluar të marrë atë kodet digjitale për të dhënë vlerësimin për deputetët e qarkut. Pas pak ditësh do të dalë kërkesa për vlerësim për ministrat që do të jetë përtej anëtarësimit, çdokush që është i interesuar do hyjë të bëjë një vlerësim. Do të përgatisim hapjen e tretë që është ftesa për të konsideruar shprehje interesi për të përfaqësuar PS në parlament”, u shpreh Kryeministri.

Përsa i përket ligjit për mediat, kryeministri u shpreh: “Di të them që ligji do kalojë në Kuvendin e Shqipërisë sapo të jetë përfunduar reflektimi i rekomandimeve të Komisionit të Venecias”.