Rritje e ndjeshme e prodhimit industrial

Prodhimi industrial kinez ka regjistruar një përshpejtim të ndjeshëm në muajin nëntor, një fitim më i lartë sesa parashikimi duke i dhënë fund një periudhe të vështirë prej disa muajsh.

Shitjet me pakicë vijojnë me rritje të përshpejtuar në një moment, kur Pekini po bën përpjekje për intensifikimin e masave për rimëkëmbjen ekonomike, por edhe për t’i dhënë një shtysë aktivitetit ekonomik me ripozicionimin në ekonominë e dytë globale.

”Prodhimi industrial në Kinë është rritur ndjeshëm muajin e fundit me 6,2 për qind, kundrejt një rritje prej 5,6 për qind në muajin tetor”, bëri sot të ditur Zyra Kombëtare e Statistikave (BNS).

Kjo rritje vjen pas tre muaj rresht të një ngadalësimi të ndjeshëm të prodhimit industrial.

Sektori industrial kinez mbetet i prekur nga mbiprodhimi, në sfondin e kërkesës së brendshme dhe asaj ndërkombëtare të ulët.

Përmirësimi i situatës ekonomike në muajin nëntor dëshmon se janë marrë masa të ndryshme për rimëkëmjen e ekonomisë, të miratuara nga Pekini, duke dhënë pjesërisht efektin e duhur.