Selena-Bieber, rikthim së bashku?
Lidhja e tyre është një herë aktive, një herë “me pushime”, por duket se Justin Bieber dhe Selena Gomez janë rikthyer sërish së bashku, të paktën për momentin.
hja e Popit është kapur duke u puthur dhe përkëdhelur në “Lucky Strike” të Hollivudit, natën e së dielës.
Sipas “E! News”, çifti nuk mbajti asgjë sekrete, teksa po festonin ditëlindjen e Ryan Butler, shokut të fëmijërisë së Justinit.
Justin kishte prenotuar një seksion special në barin ku mund të luhej edhe “bowling”, për të festuar pikërisht 20-vjetorin e shokut të tij.
Ylli 20-vjeçar dhe Selena e shfrytëzuan këtë “party” si një mënyrë për t’u rikthyer sërish bashkë, qoftë edhe si një moment i vetëm rikujtimi i lidhjes së tyre së shkuar.
Një burim tha për “E!” se çifti nuk u shfaq aspak i ndrojtur. “Justin e puthte dhe flirtonte me Selena Gomez, të cilën njëherë e konsideron të dashur e njëherë jo”.
Edhe pse çifti nuk hodhi asgjë nëpër rrjetet sociale, duke dashur ta fshehin rikthimin së bashku të tyre, e dashura e personit që kishte ditëlindjen, Ashley Guin, publikoi disa foto në Twitterin e saj.
