Shakira “pushton” Copacabanën: 2 milionë njerëz në koncertin historik në Rio

Plazhi ikonë i Copacabana u kthye sërish në skenën më të madhe në botë, ku Shakira performoi përpara rreth 2 milionë njerëzve në një koncert falas që tashmë konsiderohet historik.

Artistja kolumbiane doli në skenë pak pas orës 23:00, duke ndezur atmosferën me hitet e saj më të njohura. Spektakli ishte pjesë e turneut të saj botëror i bazuar në albumin e vitit 2024.

Shifra rekord e pjesëmarrjes barazon koncertet e mëparshme në të njëjtin vend nga Madonna në vitin 2024 dhe Lady Gaga në vitin 2025, duke forcuar statusin e Copacabanës si destinacion global për evente masive.

Në skenë iu bashkuan edhe emra të njohur të muzikës braziliane, duke i dhënë koncertit një dimension të fortë kulturor latino-amerikan.

Sipas autoriteteve lokale, eventi pritet të gjenerojë rreth 155 milionë dollarë për ekonominë e qytetit, përmes turizmit, hoteleve dhe shërbimeve.

Vendosja e forcave të sigurisë ishte e jashtëzakonshme: pothuajse 8,000 oficerë, dronë, kamera për njohjen e fytyrës dhe 18 pika kontrolli me detektorë metalesh.

Koncerti ishte pjesë e strategjisë së qytetit për të nxitur ekonominë mes sezonit të Carnival dhe festimeve të verës, ndërsa masat e sigurisë përfshinë mijëra efektivë, dronë dhe kontrolle të shumta.