ShBA-së përbënë 72% të vëllimit të përgjithshëm të NATO-s në vitin 2015

Sekretari i përgjithshëm i NATO-s, Jens Stoltenberg u shpreh të enjten se vendet aleate europiane kanë reduktuar në një shkallë të lartë buxhetin për mbrojtje, ndërsa përballen me sfida serioze të sigurisë. Ai u bëri thirrje vendeve anëtare të t’i shtojnë fondet për mbrojtjen.

Sipas raportit vjetor për vitin 2015 të publikuar të enjten, vendet aleate europiane të NATO-s dhe Kanadaja i ulën shpenzimet ushtarake me 0.3 për qind. Shpenzimet e ShBA-së përbënë 72% të vëllimit të përgjithshëm të NATO-s në vitin 2015

Sekretari Stoltenberg njoftoi se është frenuar prirja e pakësimit të buxhetit për mbrojtjen nga vendet europiane.

Ndër 28 anëtarët e NATO-s, 5 prej tyre kanë ndarë 2 për qind të GDP-së për mbrojtjen. Megjithatë vendet e aleancës duhet ende të vazhdojnë rritjen e shpenzimeve për mbrojtjen me qëllim balancimin midis anëtarëve.