Shkodër, “arrest me burg” për çiftin që vrau të moshuarën

“Arrest me burg”  për Erando Qatipin dhe Gjoana Hilën, të cilët dyshohet se kanë vrarë në bashkëpunim me njëri-tjetrin 82-vjeçaren A.Hila, gjyshja e kësaj të fundit.

Gjykata e Shkodrës ka dhënë masën e sigurisë për dy të rinjtë, ndërkohë që mbesa e 82-vjeçares ka thënë në gjykatë se krimin e bëri i dashuri i saj Erando Qatipi, i cili ishte nën efektin alkoolit. Sipas saj, Qatipi, e ka mbytur të moshuarën me jastëk.

Gjatës dhënies së masës së sigurisë Qatipi ka pranuar autorësinë e krimit.

Ngjarja ka ndodhur me datë 25.02.2015, ndërsa janë arrestuar Erando Qatipi 27 vjeç, banues në Tiranë dhe Gjoana Hila, (mbesa e viktimës), 32 vjeçe, banuese në Tiranë.

Në bashkëpunim me njëri- tjetrin, ata i kanë vjedhur viktimës A. H, disa bizhuteri floriri, dy unaza, një orë floriri dhe një shumë të hollash (lekë).