Shtyhet afati i amnistisë për armët, Tahiri: Deri në fund të vitit

Amnistia për dorëzimin vullnetar të armëve do të shtyhet deri në fund të vitit.

Kështu ka deklaruar ministri i Brendshëm në detyrë Saimir Tahiri, në një tryezë për procesin e dorëzimit të armëve.

Në janar policia nisi fushatën për dorëzimin vullnetar të armëve pa leje për ti shpëtuar përgjegjësisë penale, afati i të cilës ishte deri më 30 prill.

Në këtë kuadër, Tahiri përkujtoi edhe tragjedinë e Gërdecit, në 15 mars të 9 viteve më parë.

“Sot është një ndër ditët më alarmante që na kujton ne padrejtësinë e madhe në gjykata. 9 vite më parë humbën jetën 26 qytetarë, mes tyre fëmijë. Kërkoj ndjesë personale për gjithçka nuk bëmë dot ndaj atyre që shkaktuan tragjedinë”, deklaroi Tahiri.