SOFJE – Juncker: Përfshirja e Ballkanit Perëndimor në BE rëndësi strategjike
Përfshirja e Ballkanit Perëndimor në BE është pjesë e një rëndësie strategjike, kanë deklaruar sot gjatë një takim dypalësh, në Sofje, presidenti i Komisionit Europian, Jean-Claude Juncker, dhe kryeministri bullgar, Bojko Borisov .
Sipas tyre, Ballkani Perëndimor është një pjesë integrale e Europës dhe përfshirja e tij në zonën e përbashkët europiane të sigurisë dhe zhvillimit ekonomik përbën një rëndësi strategjike për stabilitetin e të gjithë BE-së.
Bashkëbiseduesit u kushtuan një rëndësi të veçantë hapave vendimtare të qeverive të rajonit për të bërë përparime të dukshme në rrugën drejt anëtarësimit në BE.
Juncker theksoi se ndërtimi i infrastrukturës strategjike në rajon do të mundësonte stimulimin e tregtisë, investimeve, konkurrencës dhe aktivitetit të kapitalit.
Gjithashtu, kryeministri bullgar zhvilloi një takim me presidentin e Kosovës, Hashim Thaçi.
Të dy liderët ranë dakord se presidenca bullgare e BE-së është një mundësi e shkëlqyer për t’u dhënë një mbështetje vendeve të Ballkanit Perëndimor.
Ndërsa kryeministri bullgar, Borisov përsëriti se Sofja do të vazhdonte të mbështeste Prishtinën në rrugën e saj drejt anëtarësimit në BE.
