Sulm me bombë në një kafene në Damask, 5 viktima dhe 16 të plagosur

5 persona u vranë dhe 16 të tjerë u plagosën nga një shpërthim në një kafene të mbushur me njerëz në qendër të Damaskut. Bomba ishte vendosur brenda kafenesë, e cila ndodhet në një zonë të frekuentuar të kryeqytetit sirian.

Agjencia shtetërore e lajmeve SANA raportoi numrin e të vdekurve dhe të plagosurve, duke cituar kreun e shërbimeve shëndetësore emergjente të Sirisë.

Një numër i vogël sulmesh kanë ndodhur në vend që nga përmbysja e regjimit të Bashar al-Assad në fund të vitit 2024.

Qeveria e re de facto e udhëhequr nga Ahmed al-Sharaa dhe forcat e tij rebele i dha fund në mënyrë efektive 14 viteve të luftës civile.

Një makinë-bombë vrau një ushtar sirian dhe plagosi të paktën 18 persona të tjerë më 19 maj jashtë një ndërtese të Ministrisë së Mbrojtjes në Damask.