Super Bowl, Denver Broncos mund me mbrojtje Carolina Panthers
Pak herë është parë që një skuadër të fitojë me mbrojtje një Super Bowl, ashtu siç ndodhi këtë vit. Denver Broncos fitoi titullin e NFL-së me një strategji mbrojtëse fantastike: pa shkëlqyer në sulm, por duke minimizuar sulmin e Carolina Panthers, që në dy ndeshjet e fundit para finales kishte shënuar 80 pikë, ndërsa në finale vetëm 10. Rezultati final ishte 24-10 për Broncos.
Me një ndeshje të shkëlqyer të Miller, i cili i “nxiu jetën” “quarterback”-ut të Carolina-s, Broncos shkatërruan sulmin më të mirë të NFL-së duke mos lejuar pasimet e Cam Newton, MVP i sezonit të rregullt.
Payton Manning, “quarterback”-u i Denver Broncos, fitoi kështu titullin e tij të dytë në karrierë, duke thyer dhe rekordin si “quarterback”-u më i vjetër që e fiton Super Bowl-in (39 vjeç).
