Thaçi falënderon Borchardin

Kryeministri i Kosovës, Hashim Thaçi, ka takuar shefin e deritanishëm të EULEX-it, Bernd Borchard, i cili do të largohet nga ky misioni gjatë ditëve në vijim.

Thaçi, përmes një mesazhi të postuar në llogarinë e tij personale në Facebook, e ka falënderuar Borchardin, për ndihmën e madhe që ka dhënë gjatë periudhës së rëndësishme të pas pavarësisë së Kosovës.

“E takova sot në një vizitë lamtumirëse shefin e deritashëm të EULEX, Bernd Borchardt. E falënderova për ndihmën e madhe në periudhën e rëndësishme të pas pavarësisë kur Kosova konsolidoi në tërë territorin e saj sundimin e ligjit dhe hyri pakthyeshëm në procesin formal të integrimeve evropiane”, ka shkruar Thaçi në Facebook.