Tregtia në Rajon, Kosova e pakënaqur nga taksat shqiptare
“Barrierat me Shqipërinë tejkalojnë dallimet tona në dialekt”, ka deklaruar kryeministri i Republikës së Kosovës Albin Kurti në një forum biznesi me temë “Barrierat Tregtare Kosovë-Shqipëri-Maqedoni e Veriut”. Kryeministri Kurti e ka quajtur “gjobitje” taksën e skanimit që e paguajnë sipërmarrësit e Kosovës edhe kur kalojnë transit në territorin shqiptar”, tha Albin Kurti, Kryeministër, Republika e Kosovës.
Takimi i organizuar nga Oda e Afarizmit të Kosovës në bashkëpunim me Dhomën e Tregtisë dhe Industrisë së Tiranës dhe Odën Ekonomike të Maqedonisë Veri-Perëndimore, iu dha përgjigje disa problematikave të ngritura nga përfaqësuesit e bizneseve.
Një ditë më pas, po në Prishtinë, Instituti GAP, Riinvest nga Kosova dhe Qendra Shqiptare për Tregtinë Ndërkombëtare ACIT, shpalosën në një takim me sipërmarrës dhe autoritete të të dy vendeve studimet e tyre lidhur me potencialin tregtar Shqipëri-Kosovë dhe barrierat dhe zbatimin e marrëveshjeve Shqipëri-Kosovë.
Arben Shkodra nga Bashkimi i Prodhuesve Shqiptarë e ka quajtur nënshkrimin e marrëveshjeve Shqipëri-Kosovë një butafori dhe shou gjë që e tregon dhe mungesa e zbatimit të tyre në praktikë.
Në takim i theksua se ka potenciale të pashfrytëzuara në rritjen e bashkëpunimit ekonomik në rajon, ndërsa treguesit e sotëm të këtij bashkëpunimi nuk e reflektojnë këtë potencial, kryesisht për bashka të barrierave tarifore dhe jotarifore që ekzistojnë në shkëmbimet tregtare mes të dy vendeve.
Takimet e fundit i paraprijnë mbledhjes së përbashkët të Shqipërisë dhe Kosovës që është paraparë të zhvillohet në fund të këtij muaji në Shkodër.
