Ukrainë, 32 të vrarë nga shpërthimi në një minerë

Kryetari i Parlamentit të Ukrainës, Volodymur Hroysman, thotë se së paku 32 vetë janë vrarë nga shpërthimi në një minerë të thëngjillit në qytetin lindor Donjeck, që është nën kontrollin e separatistëve prorusë.

“Tragjedia ndodhi këtë mëngjes në minierën Zasyadko”, tha Hroysman, duke shprehur ngushëllimet për punëtorët që e humbën jetën.

Më herët, autoritetet separatiste në Donjeck kanë thënë se ka të dhëna për 73 vetë të bllokuar në minierë, pas një shpërthimi të metanit.

Sipas tyre 14 vetë janë plagosur, ndërsa shtojnë se sulmi nuk është shkaktuar nga sulmi me arme.

Qyteti Donjeck, në pjesën lindore të Ukrainës, shpeshherë është goditur nga artileria gjatë konfliktit ndërmjet separatistëve prorusë, që mbështeten nga Rusia, dhe forcave qeveritare të Ukrainës.

Prej muajit prill, kur ka filluar ky konflikt, janë vrarë më se 6 mijë vetë.