Ushtarët turq pranë Mosulit tërhiqen në veri të Irakut

Një pjesë e ushtarëve turq të vendosur pranë qytetit të Mosulit në Irak, janë larguar nga ky rajon duke u drejtuar për në veri të vendit në kuadër të manovrave të reja, njoftoi sot agjencia turke Anadolu Agency.

Turqia kishte vendosur para dy javësh disa qindra ushtarë dhe tanke në Bachiqa, pranë qytetit të dytë më të madh të Irakut, Mosul, që është i pushtuar nga janari 2014 nga forcat xhihadiste të grupit Shteti Islamik (ISIS), duke shkaktuar tensione të forta me qeverinë e Bagdadit.