Veseli: Dialogu me Serbinë do të vazhdojë; opozita kundër

Kryetari i Kuvendit të Kosovës, Kadri Veseli, në një intervistë për gazetën austriake “Die Presse” thotë se dialogu me Serbinë është i rëndësishëm për Kosovën dhe do të vazhdojë.

Por, ajo për të cilën Veseli ka shprehur shqetësim ka qenë “skenari rus” për veriun e Kosovës.

“Rreth politikës ruse në Ballkan jemi shumë të shqetësuar. Çfarë po ndodh në veri të Kosovës na kujton operacionet në gadishullin e Krimesë para se ajo të aneksohej nga Rusia. Shpresojmë që Serbia, presidenti Tomislav Nikoliç, të mos kryejnë provokime në Evropë në emër të Rusisë”, është shprehur Veseli.

Nga ana tjetër, opozita në kosovare e kundërshton vazhdimin e dialogut në Bruksel dhe ka kërkuar mbajtjen e një seance të jashtëzakonshme në Kuvend lidhur me këtë çështje.