Vjedhje e rëndë në Prizren, rreth 10 mijë euro para të gatshme

Në një shtëpi private në rrugën “Gucia” në Prizren ka ndodhur një vjedhje e rëndë.

Sipas informatave që ia ka dhënë policisë pronari i shtëpisë, thuhet se dikush ka hyrë në shtëpi dhe nga aty ka vjedhur para të gatshme rreth 10.000 euro.

Policia ka kryer hetime në vendin e ngjarjes mirëpo ende nuk dihet kush është autori i kësaj vjedhje.

Drejtoria Rajonale e Policisë në Prizren u bënë thirrje qytetarëve që të jenë më të kujdesshëm me kursimet e tyre dhe gjësendet e vlefshme siç janë stolitë e ndryshme të arta.