Vrasja e kreut 82-vjeçar të “Likometaj Travel”, arrestohet i dyshuari: Më ngacmonte nënën (!)

Masakrimi për vdekje dhe më pas hedhja e trupit të një 82-vjeçari në kazanin e plehrave, ka për autor të dyshuar një 37-vjeçar.

Policia e Fierit njoftoi sot se ka shoqëruar dhe më pas arrestuar si të dyshuar Skënder Krasniqin, banues në Fier.

Gjatë marrjes në pyetje i dyshuari ka thënë se Novruz Likometaj i ngacmonte seksualisht nënën dhe kjo u bë shkak që ai ta vriste në gjaknxehtësi.

I moshuari mësohet se kërkonte të martohej përsëri, pasi nuk kishte grua.

Kufoma e Novruz Likometajt u gjet në një kazan mbeturinash 300 metra larg shtëpisë, i mbështjellë me çarçaf.

Likometaj, ish-kryetar i sindikatës së transportit, kishte në pronësi me djemtë një agjenci turistike udhëtimi, “Likometa Travel”, të linjës Shqipëri-Greqi.

Pas ekspertizës mjeko-ligjore rezultoi se trupi i viktimës ishte masakruar nga goditje me thikë dhe goditja vdekjeprurëse ishte bërë në fyt.

Krimi mendohet të ketë ndodhur në orët e vona të së shtunës, duke zbardhur dita e diel.

Trupi u gjet nga dy persona që mblidhnin kanoçe i mbështjellë me një çarçaf.

Viktima ishte baba i katër fëmijëve. / Dita /