Zelensky: Ukraina shkatërroi dronë iranianë të lëshuar drejt shteteve të Gjirit

Ushtarët ukrainas kanë ndihmuar në sprapsjen e sulmeve të dronëve iranianë ndaj shteteve të Gjirit gjatë luftës me Iranin, tha sot presidenti ukrainas, Volodymyr Zelensky.

“A i shkatërruam dronët “Shahed” iranianë? Po, e bëmë. A e bëmë vetëm në një vend? Jo, në disa. Dhe sipas mendimit tim, ky është një sukses”, shkroi Zelensky në X.

Ekspertë ushtarakë ukrainas u dislokuan në Lindjen e Mesme mes luftës së Iranit.

Kievi gjithashtu u ka treguar disa vendeve se si të operojnë sistemet e përgjimit të dronëve.

Rusia ka kryer një pushtim në shkallë të plotë të Ukrainës për më shumë se katër vjet dhe ka përdorur gjerësisht dronë “Shahed”, të cilët janë të dizajnit iranian.

Në përgjigje të sulmeve ajrore SHBA-Izrael, Irani ka lëshuar gjithashtu dronë të tillë kundër shteteve fqinje të Gjirit.

Zelensky udhëtoi në rajon dhe nënshkroi marrëveshje me Arabinë Saudite, Katarin dhe Emiratet e Bashkuara Arabe.

Sipas këtyre marrëveshjeve, kompanitë ukrainase duhet të bashkëpunojnë me forcat e armatosura lokale për të mbrojtur objekte specifike.

Në këmbim, Ukraina pritet të marrë municione kundërajrore për të mbrojtur infrastrukturën e saj energjetike, si dhe naftë.

Presidenti ukrainas tha se marrëveshje të ngjashme po diskutohen edhe me Omanin, Kuvajtin dhe Bahreinin. //a.i/