Banka Botërore: Rritja ekonomike e Maqedonisë për 2016 është 2%

Sot në Shkup u prezantua raporti i Bankës Botërore për Evropën Juglindore. Sipas këtij raporti Maqedonia do të ketë vetëm 2% rritje ekonomike për vitin 2016, përcjell Telegrafi Maqedoni.

Kjo rritje ekonomike i faturohet uljes së investimeve, që është e kundërta e vendeve të rajonit. Ndikim pozitiv në këtë rritje jep konsumi, i mbështetur nga punësimi, rrogat e mëdhaja dhe transferi në sektorin publik.

Rritja kryesisht i faturohet edhe ndërtimtarisë që është rritur për 19.3%, e mbështetur nga investimet publike, të cilat kanë patur ndikim edhe në rritjen e borxhit publik.

Në raport përmendet se papunësia vazhdon të ulet, por është rritur papunësia te të rinjtë më shumë se 50%, edhe pse ka programe qeveritare për punësimin e të rinjve.

Edhe këtë vit ka ngecje në konsolidimin fiskal që ndikon në rritjen e deficitit buxhetor dhe borxhit publik.