Home / Kronika / Sociale / Veliaj prezanton urdhëresën për hapësirat publike

Veliaj prezanton urdhëresën për hapësirat publike

Kryebashkiaku Erjon Veliaj ka prezantuar urdhëresën për hapësirat publike, ku ka theksuar se çdo qindarke që vilet nga kjo urdhëresë do të jetë investim.

“Duhet të reflektojmë të bëjmë një qytet që mund të ketë mirëqënie”, u shpreh kryebashkiaku. Buxheti i ardhshëm i bashkisë do të ndërtohet edhe mbi bazën e këtyre të ardhurave.

Për z. Veliaj ndotja estetike është njësoj si ndotja akustike apo plehrat, dhe për këtë do të ketë rregulla të reja për reklamat e dyqaneve. Duke mos lënë jashtë vëmendjes dhe shitësit ambulantë, ai tha se për këtë kategori do të propozohen dizajne që i shërbejnë estetikës së qytetit.

“Shitësit e fruta-perimeve, librashitësit do të jetë dizajni i ri i pikës së shitjes. Brenda këtij viti do të propozojmë dizajnet e karrocave të ambulanteve, që jo cdo lloj teneqeje të fluturojë nëpër qytet, do të caktojmë dhe vendet. Patjetër që do të ndihmojë ata njerëz që jetojnë me djersën e tyre. Po sigurisht dhe të ndalojmë shitjen e rrobës në rrugë. Nuk është higjenike, nuk është mesjetë”, tha Veliaj.

Kryebashkiaku Veliaj bëri të ditur se më 10 tetor përfundon dëgjesa për planin urbanistik, ndërsa taksa e ndërtimit nuk do të ulet.

Leave a Reply

%d bloggers like this: