Politika

Basha në Kavajë: Edhe të majtëve u ka ardhur në majë të hundës nga Rama

Kryetari i PD-së, Lulzim Basha është ndalur sot në Kavajë, ku ka zhvilluar mitingun elektoral përmbyllës.

Ai përpara qytetarëve kavajas ka bërë të ditur se me votën e tyre do të shembin tullën e fundit të Republikës së Vjetër.

Pjesë nga fjala e Bashës:

“Me votën tuaj më 25 qershor, ju do të shembni tullën e fundit të republikës së vjetër, të republikës që shpenzoi miliona euro për pazaret, pasuritë, pazaret e Edi Ramës, Elvis Rroshit që e vunë Kavajën përfund. Por ora e shpagimit po afron. Dallga e fitores po afron nga jugu dhe veriu. Nga lindja dhe perëndimi shqiptarët janë bashkuar që të refuzojnë metodat e vjetra, krimin në pushtet, oligarkët që i morën frymën vendit, të ndëshkojnë dhe rrëzojnë me votë Edi Ramën dhe Rilindjen e korruptuar dhe të dështuar.

Kudo ku kam qenë në këto ditë intensive të fushatës, njësoj si në Kavajë, njerëzit mezi po presin të gjykojnë dhe largojnë me votë qeverinë e premtimeve të pambajtura.

Edhe të majtëve u ka ardhur në majë të hundës ky kryeministër i premtimeve të pambajtura.

Edi Rama dështoi sepse nuk kishte plan për qytetarët e Kavajës dhe të të gjithë Shqipërisë, për t’u ardhur në ndihmë pensionistëve, shtresave në nevojë, fshatit… Ndaj këtë diel, vendimi i madh që do të merret nëse do të jetë nëse do të vazhdojmë me katër vjet të tjera me fasada, palma, krim dhe arrogancë, apo do të ulim taksat, do të çlirojmë qindra të rinj kavajas me stazhe pune, me institucione që i shërbejnë qytetarëve.”

Related Articles

Leave a Reply

Your email address will not be published. Required fields are marked *

Back to top button