E papritura e Damir Fazlic, sulmon hapur Lulzim Bashën
Biznesmeni boshnjak, Damir Fazlic ka surprizuar me një postim të bërë në profilin e tij në ‘Twitter’, pas rikonfirmimit të Lulzim Bashës në krye të Partisë Demokratike.
Fazlic ka shprehur hapur pakënaqësinë për këtë zgjedhje të demokratëve shqiptarë, që ai e konsideron të ngjashme me Korenë e Veriut.
“Forest Gump (personazh i vonuar mendërisht) arriti të fitojë, me stil koreano-verior. U prehsh në paqe partia më e madhe në historinë e Shqipërisë”, shkruan Fazlic.
Damir Fazlic është konsideruar gjithnjë një biznesmen shumë i afërt me PD-në, sidomos gjatë periudhës kur partia drejtohej nga Sali Berisha.
Në media u publikuan disa lidhje të Fazlic me kupolën drejtuese të PD-së në periudhën 2005-2013, ku nuk mungonte as Basha si ministër, por gjërat mesa duket kanë ndryshuar me zgjedhjen e tij kryetar.
Damir Fazlic është hetuar gjithashtu nga prokuroria e Tiranës për pastrim parash.
