Kuvendi ngre komision hetimor për shkarkimin e Çefës dhe Lelçajt

Parlamenti i Shqipërisë votoi me 76 vota ngritjen e Komisionit Hetimor Parlamentar për kërkesën e 39 deputetëve për shkarkimin e zv/kryetarit të KLD-së, Elvis Çefa dhe anëtarit tjetër, Lulzim Lelçaj.

Komisioni ka nëntë anëtarë. Shumicën do ta ketë mazhoranca dhe do të drejtohet nga socialisti Armand Subashi. Anëtarë të tjerë do te jenë, Taulant Balla, Spartak Braho, Ulsi Manja dhe Besnik Bare.

Me afat funksionimi 1-mujor, komisioni hetimor do të verifikojë 10 shkeljet që deputetët e mazhorancës kanë identifikuar në kërkesën për shkarkimin nga detyra të 2 anëtarëve të KLD-së.