PD: Kontrolli online i faturës tatimore, tenderi korruptiv
Sipas deputetes së PD-së, Tabaku gara për tenderin ka qenë fiktive dhe e paracaktuar.
“Dokumentet e bërë publik që unë po prezantoj sot këtu tregojnë se në tenderin fasadë prej 15 milionë eurosh kanë marrë pjesë 3 garues. Dy prej tyre kanë qenë aty në garë për të legjitimuar skemën korruptive. Bashkëpunëtor në këtë skemë është edhe Armando Frangu i lidhur me qeverinë, i cili përmes kompanisë së tij, B360, ai nuk ka dhënë asnjë ofertë, në garën false për të legjitimuar fitoren e kompanisë kroate të tenderit korruptiv prej 15 milionë dollarësh”, tha Tabaku.
Po ashtu, Tabaku pohon se beteja jonë është kundër monopolizimit të ekonomisë vazhdon.
“Me paketën anti-mafia, çdo tender si ky i sotmi, çdo koncesion, apo leje do të anulohet, pasuritë do të sekuestrohen dhe paratë do t’u kthehen atje ku e kanë vendin: në shërbim të qytetarëve – për arsim më të mirë, për spitale më të mira, për rrugë më të mira për vende punë më shumë”, shprehet Tabaku.
