Home / Rajoni / Maqedonia / Dimitrov: Është e papranueshme që të marrë azil personi i dënuar me aktvendim të plotfuqishëm

Dimitrov: Është e papranueshme që të marrë azil personi i dënuar me aktvendim të plotfuqishëm

Shefi i diplomacisë së Maqedonisë Nikolla Dimitrov ka adresuar kritika në adresë të Qeverisë së Hungarisë për shkak të dhënies së azilit ish-kryeministrit maqedonas Nikolla Gruevski, i cili nga gjykata e Maqedonisë është dënuar plotfuqishëm me dy vjet burg.

“Personi që ka aktvendim të plotfuqishëm dhe që ballafaqohet me 4 akuza të tjera dhe 5 hetime, është absurde që të fitoj azil në një vend të BE-së. Ky nuk është problem vetëm për Maqedoninë por edhe për BE-në, ku parim kyç është sundimi i së drejtës. Unë do të kem takim me kolegun tim hungarez më 4-5 dhjetor ku do të flasim hapur për këto çështje”, deklaroi Nikolla Dimitrov, sipas të cilit arsyetimet e Gruevskit për gjykim selektiv dhe me prapavijë politike nuk janë të vërteta pasi të gjitha proceset gjyqësore kundër ish kryeministrit kanë qenë të monitoruara nga OSBE-ja dhe përfaqësuesit e BE-së

Ai gjykim ishte i ndjekur nga OSBE dhe BE-ja, asnjëherë nuk kemi marrë ankesa. Përkundrazi gjykimi është vlerësuar si transparent dhe i drejtë. Asnjëherë s’kemi marrë informata për kërcënime, ai ka pas 6 truproje”, tha Dimitrovi.

Leave a Reply

%d bloggers like this: