Korea Veriore me udhëheqës të ri
Lideri i Koresë së Veriut, Kim Jong-un, nuk është parë në publik për më shumë se një muaj, pa ndonjë shpjegim zyrtar.
Misteri i mungesës së tij po bëhet edhe më i madh, pasi në publik kanë rrjedhur ‘informacione’ të reja në lidhje me arsyet e zhdukjes së tij të papritur, transmeton Telegrafi.
Deri më tani, supozohet se lideri koreano-verior vuan nga diabeti, madje ka edhe një problem në kyçin e këmbës.
Ndërkohë, një grup i qytetarëve që kanë ikur nga Koreja e Veriut pohojnë se motra e vogël e Kimit, Kim Jong Yo, po e zëvendëson atë, gjersa ai ta rimarrë veten.
Kim Jong Yo deri më tani është paraqitur në mediat shtetërore si zëvendëse e Partisë së Punës, e cila është një pozitë jashtëzakonisht e fuqishme në Korenë e Veriut.
Kim Jong Yo ka lindur në vitin 1987 ose 1988, ku u shkollua një shkollë private në Zvicër së bashku me Kim Jong-un.
Të dytë në Ambasadën e Koresë së Veriut në Zvicër kanë ndjekur mësimet e një kolegji, ndërsa në shtetin zviceran jetuan me emra të rremë.
Yo Jong është fëmija më i vogël nga shtatë që ka Kim Jong Il me katër gra të ndryshme. Shumica janë gjysmë-vëllezër apo gjysmë-motra, por Kim Jong-un dhe Kim Jong Yo kanë të njëjtën nënë.
Yo Jong ka qenë gjithmonë afër babait të saj dhe pas kthimit nga Zvicra, u vendos në pozita të larta qeveritare.
