Delegacioni amerikan në Tiranë, Meta: Zgjidhje sa më të shpejtë të krizës!
Delegacioni amerikan është pritur nga Presidenti, Ilir Meta.
Në krye të delegacionit ishte zv.presidenti i Këshillit të Atlantikut, me seli në Uashington, Damon Wilson.
Duke njohur delegacionin amerikan mbi zhvillimet e brendshme politike, Meta thuhet të ketë kërkuar zgjidhje sa më të shpejtë të krizës aktuale dhe ka theksuar nevojën për reflektim të menjëhershëm, sipas komunikatës së shpërndarë nga Presidenca.
Ndërkohë, ndër temat e diskutimit kanë qenë edhe ato të zbatimit të Reformës në Drejtësi, mbështetur në Kushtetutën e Shqipërisë, si dhe hedhjen e hapave të nevojshme drejt integrimit në BE.
Meta ka folur edhe për rolin e Shqipërisë në rajon, si një faktor kyç për stabilitetin, por nuk ka lënë mënjanë domosdoshmërinë e bashkëpunimit strategjik mes dy vendeve tona, Shqipëri e SHBA.
Delegacioni i Kongresit Amerikan dhe Këshilli i Atlantikut kanë zhvilluar një takim me Kryetarin e Kuvendit Gramoz Ruçi.
Ruçi tha se ShBA është një mbështetje në momentet vendimtare të kombit. “Reformat janë të pakthyeshme e të papengueshme”, u shpreh Ruçi. Ndërsa më herët delegacioni u prit edhe nga kryeministri i vendit, Edi Rama.
