Opozita e Bashkuar merr vendim: Do të përfaqësohet në konferencën për Reformën Zgjedhore
Partia Demokratike së bashku me aleatët e saj kanë pranuar ftesën e OSBE-së për konferencen e thirrur nga kjo e fundit për reformën zgjedhore. Sipas burimeve te brëndëshme opozita do të përfaqësohet në këtë tryezë në nivel ekspertësh.
OSBE do të mbajë nesër konferencën për reformën zgjedhore me temë “Të mohuar nga sistemi: ngritja e një sistemi gjithëpërfshirës për mbrojtjen e demokracisë”.
Në draft axhendën e saj, takimi do të nisë me një fjalë të kryetarit të Prezencës së OSBE-së në Shqipëri, Bernd Borchardt, për t’u pasuar më tej me fjalimet e dy bashkëkryetarëve e Komisionit të Posaçëm Parlamentar për Reformën Zgjedhore, Rudina Hajdari e Damian Gjiknuri.
Mësohet se ata që do të përfaqësojnë opozitën në nivel teknik, në konferencën për Reformën Zgjedhore janë Ivi Kaso i PD-së, Muharrem Çakaj i LSI-së dhe Arjan Madhi i PR-së.
Ndërkohë po sot ambasadori i OSBE-së, Bernd Borchardt ka zhvilluar një takim vetëm për vetëm me kryetari e Partisë Demokratike, Lulzim Basha.
