Putin ndryshon programin e pjesëmarrjes në samitin e G20-s

Presidenti rus, Vladimir Putin ka vendosur të largohet më parë nga sa ishte parashikuar nga samiti i G20-s në Brisbane, theksoi sot një burim pranë delegacionit rus, ndërkohë që burrit të hekurt të Rusisë do t’i duhet të përballet me një presion në rritje të perëndimorëve në sfondin e krizës në Ukrainë.

“Programi për ditën e dytë të Putinit në samitin e G20-s ka ndryshuar”, deklaroi një burim pranë delegacionit rus nën kushtet e anonimatit duke iu referuar ditës së nesërme.

‘Presidenti rus do të marrë pjesë në takimet e samitit, por nuk do të jetë i pranishëm në një drekë zyrtare dhe do të japë një konferencë shtypi më shpejt nga sa ishte parashikuar”, shtoi i njëjti burim.

Nën zjarrin e kritikave të ashpra nga vendet anglo-saksone duke kritikuar qëndrimin e Rusisë në krizën ukrainase, Vladimir Putin vendosi të ndryshojë programin e pjesëmarrjes në samitit e G20-s në Brisbane.