Kush janë kandidatët e LDK-së për pozitat e zëvendësministrave?

Dega e LDK-së në Gjilan është në hall të madh se kënd ta avancojë në pozitën e zëvendësministrit nga kjo degë. Emrat më të përfolur për pozitat e reja në Qeverinë e Kosovës janë: Lirije Kajtazi, Naim Behluli, Ismajl Jonuzi, Nehat Ramadani, Valentina Bunjaku.

Dega e LDK-së në Gjilan pritet ta rrumbullakojë këtë javë listën me emrat e rinj që do të dërgojë në Qeveri për pozitat e zëvendësministrave dhe të pozitave tjera të rëndësishme në Qeverinë e Kosovës, raporton Rajonipress.

Ndonëse jo publikisht kjo degë shpresat i ka tek ndikimi i Lutfi Hazirit që mund të ketë tek Isa Mustafa për të kaluar dhe rehatuar kuadrot e propozuara nga Gjilani.

Merret vesh jo zyrtarisht se emrat që më së shumti po qarkullojnë dhe që kanë shpresa për tu avancuar në pozitat e zëvendësministrave janë: Lirije kajtzi, Ismajl Jonuzi, Naim Behluli, Valentina Bunjaku e Nehat Ramadani.

Zyrtarët e LDK-së as nuk i kanë pohuar e as nuk i kanë mohuar këta emra, por ajo që është e sigurt dihet fakti se militantët dhe aktivistët e devotshëm të LDK-së pritet të rehatohen dhe të sistemohen në qeverisjen Mustafa.