Kosova pret ditë me dëborë dhe temperatura deri nën – 10 gradë Celcius

Reshje dëbore priten prej nesër në Kosovë, sipas Institutit Hidrometeorologjik. Edhe në dy ditët e fundjavës pritet të mbajë mot kryesisht i vranët dhe vende-vende me reshje dëbore, të cilat fillimisht do të përfshijnë pjesën jugore dhe jugperëndimore të Kosovës dhe më pas gjatë orëve të vona të së dielës të gjithë teritorin e vendit. Temperaturat minimale do të lëvizin nga – 8  deri në 1 gradë Celcius. Në bazë të parashikimeve sinoptike, temperaturat maksimale gjatë javës së ardhshme nuk do të kalojnë mbi 1 gradë celsius, kurse minimalet do të zbresin nën -10C.