Sudan, 89 djem të vegjël rrëmbehen nga grupet e armatosura

Grupe të armatosura janë futur në një shkollë në Sudanin Jogor dhe kanë rrëmbyer 89 fëmijë, bën të ditur Organizata e Kombeve të Bashkuara duke theksuar se të rrëmbyerit ishin djem. Rrëmbimi ndodhi pranë qytetit Malakal, ku mijëra njerëz janë strehuar pas disa muajsh dhunë në vendin e tyre.

Sipas OKB-së janë rrëmbyer me forcë djem të moshës 12-vjeçare dhe dyshohet se i kanë rekrutuar për luftëtarë. OKB-ja paralajmëroi rrëmbyesit se po thyejnë ligjin ndërkombëtar.

“Rekrutimi dhe përdorimi i fëmijëve nga persona të armatosur shkatërrojnë familje dhe komunitete”-u shpreh përfaqësuesi i UNICEF në Sudanin Jugor. Ai tha gjithashtu se këta fëmijë janë të ekspozuar ndaj një niveli të lartë dhune, ata humbin familjet e tyre dhe shansin për të shkuar në shkollë.