Home / Arte / Libri / Librat e rinj

Librat e rinj

Përparim Kabo

Epistolate – Antropologjia e Frymës

Botimet: “Onufri”

Libri “Epistolate – Antropologjia e Frymës” zuri fill 12 vite të shkuara, kur ai nisi letrën e parë në eter, drejtuar Ismail Qemalit. Pakkush mund ta merrte me mend se kishte nisur një udhëtim, ritual i padukshëm, befasues dhe atipik për shoqërinë tonë të zhurmshme. Filozofi dhe antropologu Përparim Kabo ia doli. Ai sjell në këtë libër historinë e popullit dhe të vendit tonë përmes një komunikimi dialogues me ata që nuk jetojnë më vetëm fizikisht, me Antropologjinë e Frymës, siç e quan ai, duke pasur shqetësimin që ëndrra të mos vijë e vdekur. Historia përmes antropologjisë është studimi i parë fondamental në literaturën shqiptare. Ky lloj këndvështrimi të habit filozofikisht dhe të josh në një përjetim, ku stilistika dhe arkitektura e mendimit e bëjnë universin një, nën dhe mbi tokë.

Lekë Imeraj

Dhuna

Botimet: “Naimi”

Çmimi: 100 Lekë

“Ajo që ka munguar, ose edhe kur e kemi pasur ka qenë në periferi të vëmendjes, ka qenë edukimi me punën, me tolerancën dhe mirëkuptimin. Pikërisht për të gjitha këto e vlerësoj shumë punën që autori Lekë Imeraj ka bërë në librin “Dhuna”. Ai na sjell më shumë detaje, zbërthime dhe shembuj gjithçka favorizon, ngurtëson dhe degradon një individ në shoqëri”, – shkruan dr. Zamira Çavo. UMB në bashkëpunim me entin botues “Naimi” organizon sot promovimin e librit.

Linda Fejzaj 
KTHIM I THYER
(roman)
Botime: “Bota shqiptare”
Çmimi 900 lekë
 

Ngjarja jo rastësisht vendoset në atdheun e demave që flirtojnë aq ethshëm me të kuqen, me gjakun, me aventurën, rrezikun, vdekjen. Kryeqyteti spanjoll me arkitekturën viktoriane është varka e Noes për një çift intelektualësh shqiptarë që i janë larguar ferrit të tranzicionit shqiptar për të ndërtuar ëndrrën e tyre bashkëshortore në një tokë të premtuar.  Bela është një arkitekte që ia del të kapërcejë dallgën e racizmit në një vend të huaj dhe të krijojë zyrën e saj të projektimit. Bashkëshorti i saj Eduardi punon si profesor në universitetin e kryeqytetit të bukur spanjoll. Dualiteti reciprok i dashurisë së tyre është një kalamendje barke që të cyt në ëndrrat më të marra të dashurisë. …

Adele Parks

Telashe dashurie

Përktheu: Arsida Mezuraj

Botimet: “Pegi”

Çmimi: 900 lekë

Sa gjasa ka që, një i panjohur, ulur pranë teje në avion, të jetë e shkruar të të ndryshojë jetën? Sidomos kur duket se tjetri është krejt e kundërta jote, në çdo drejtim. Xhoi është një optimiste e pashoqe, në kërkim të shpirtit binjak te çdo burrë që takon. Ajo kërkon të ndalojë dasmën e ish të dashurit të saj, duke ndjekur një të kaluar që duket më e bukur se e ardhmja; Dini po merr arratinë nga e shkuara e tij: një fëmijëri e dhimbshme dhe një baba që po vdes, të cilin s’e ka njohur kurrë. Ai është një cinik i vendosur, përvojat e hidhura të jetës e kanë mësuar të mos i zërë besë askujt. Njerëzit mund të të befasojnë. Për aq kohë sa zgjat fluturimi nga Londra në Çikago, secili prej tyre zbulon te tjetri diçka që as e dinin se ia kishin nevojën.

Leave a Reply

%d bloggers like this: